Sjølv om firmaet vart etablert i 1980, så starta historia om Kruse midt på 1970-talet. Då var Jan Otto Kruse tilsett på K. Jansen i Florø. Der jobba han skift og brukte fritida til å jobbe som dørseljar. Han reiste rundt og selde røykvarslarar og brannsløkkingsapparat.

Så kom tilbodet om å selje reklameartiklar. Først avslo han dette fordi det gjekk så bra med dei andre tinga han jobba med, men valde til slutt å prøve. Sidan den gong har han aldri sett seg tilbake. Kruse sitt inntog i reklamebransjen var eit faktum. Han reiste land og strand rundt i Sogn og Fjordane – frå indre til ytre – med matpakke og termos. Du kan trygt sei at Jan Otto har sett kvar ein avkrok i fylket.

Etterkvart så fekk han opparbeidd seg eit namn og behovet for å reise vart mindre. Han starta då opp kontor og verkstad i Florø, med eige utstyr til å produsere enkle reklameartiklar. Selskapet er bygt opp stein for stein, og investeringar i utstyr har kome etterkvart som innteninga tillèt det.

Kruse AS gjekk bra og produksjonen auka slik at det vart bruk for ein mann til. Jan Otto inngjekk då eit samarbeid med Kato Vårdal som på den tida dreiv eige firma innan montering. Dette samarbeidet var så gunstig at Kato etterkvart vart tilsett i Kruse. Kato har i dag ansvar for alle typar montering og delar av produksjonen.

Jan Otto Kruse valte i 2018 å inngå ein avtale med Trond Sagen om å overta Kruse AS frå 1. januar 2019. Trond har jobba i bransjen sidan 1988 og har lang erfaring frå trykkeri og reklamebyrå. Han er ein av gründerne bak A til Å Grafisk Design og Media som han var med og starta i 1993 og som han har jobba hos sidan den gong. Trond er fagutdanna og har fagbrev som formframstillar/typograf og meisterbrev i grafikarfaget. Trond og Jan Otto har kjent kvarandre i mange år sidan Kruse AS har vore ein god leverandør og samarbeidspartnar til A til Å.

Jan Otto vil framleis vere med vidare, men gradvis trappe ned etterkvart som Trond tek til i Kruse AS frå hausten 2019.